mganenoo

شاطر | 
 

 كلمات خطيره ..........لازم نتجنبها..........إنتبه!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحائرة دائما
عضو جديد
عضو جديد
avatar

الرتبة الرتبة : عضو جديد

الهواية : الكتابة

مزاج سعتك : حزين

الجنسية : مصراوى اوى
انثى

عارضة الطاقة :
30 / 10030 / 100

عدد المساهمات : 112
نقاط : 29963
تاريخ التسجيل : 16/10/2009
العمر : 34

مُساهمةموضوع: كلمات خطيره ..........لازم نتجنبها..........إنتبه!!!!!!!   الإثنين أكتوبر 19, 2009 12:53 pm



بعد السلام والتحيه








بسم الله الرحمن الرحيم






عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ: إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .







لذلك:



اليكم كلمات خطيره جدا تودى الواحد فى داهيه وهو مش واخد باله وللأسف كتير مننا بيقولها ومش فاهم معناها .......لذلك
انا جيبالكم النهارده كلمات لازم لازم نتجنبها مش هطول عليكم .




اليكم الأن ....................



(( يدى الحلق للى بلا ودان))
وسبب التحريم ان الكلمه دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا قسمهولك.






((فلان ربنا إفتكره))
وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بزمتك. حرام طبعا لان ربنا ما بينساش حد .






((والنبى ، والكعبه الشريفه ، وحياتى ، والختمه الشريفه ، ورحمة أبويا و امى ............ وماشابه ذلك ))
وسبب التحريم انك بتحلف بغير الله ودى كلمات من الكفر وليعاذ بالله.






طب نعمل ايه وكلمة والنبى فى لسانا عالطول .


لما تقولها قول لا إله إلا الله مباشرة وعود لسانك ان مش تقولها تانى .







((لا حول الله يارب ))
اما دى بقى مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثه او مصيبه او ابتلاء فتلاقى اللى قدامه قال لا حول لله وده طبعا كفر بالله .








اومال تقول ايه ؟؟؟؟؟؟؟؟؟؟





تقول "لاحول ولا قوة الا بالله" او "ياحول الله"




((ده احنا زرنا النبى ))
وسبب التحريم انك بتشبه الضيف اللى زارك بالنبى وده بردو حرام وغلط. هى صحيح زيارة هذا الشخص طيبه وجميله لكن مش لدرجة انك تشبه بالنبى .




((يلعن ابو الزمن اللى ..........))
ودى بردو كلمه مصيبه لانك بتلعن الزمن !!!!!!!!






أوتدرى من هو الزمن (الدهر) ؟؟؟؟؟؟؟؟؟؟؟؟





الزمن هو الله ألم تسمع حديث ابى هريره:





عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .





ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .





جاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".






ولهذا أثبت الله الأذية في القرآن الكريم فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا }( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني ) رواه مسلم .










((الزمن غدار ))
والسبب لنفس السبب السابق .







فى بقى حاجه كمان سمعتها فى اغنية عبد الحليم حافظ من زمان لانى الحمد لله خلاص قاطعت الاغانى بس افتركتها فقولت اقولكم عليها لحسن ترددوا الاغنيه وانتم مش واخدين بالكم
فى اغنيه من اغانيه قال كلمة (( قدر احمق الخطا )) ..... استغفر الله العظيم





انا مش هتكلم فيها كتير........



بس بدعيله ربنا يسامحه عليها ....








ماهو القضاء والقدر من الله يبقى ازاى يقول كده ربنا يسامحه بقى .



- تجد الكثير من النساء خاصة يقولن .....








(اسم النبى حرصه وصاينه)






وطبعا دى كلمه حرام جدا لانها بالشكل ده نسبت حماية هذا العبد للنبى يعنى ان النبى هو اللى حاميه وطبعا هنا فيها نكرانيه لله.









- وتجد العديد من الناس يقولون ..........








(مدد يا سيدى الحسين مدد...... وماشابه ذلك)







وطبعا بردو ده حرام ، ذى بردو اللى يروح يدعى عند الحسين ويقول وحياتك يا سيدى يا حسين تخلينى اخلف مثلا او ابنى ينجح او شىء اخر وانتم طبعا عارفين .








- وتجد اناس يقعون فى خطأ كبير وهو على سبيل المثال :






ان تجد شخص يعبر الشارع وكادت سياره ان تدهمه ولكن جاء شخص اخر باعده عنها فتجده يقول له ( يااااااااااه لولاك يا اخى كنت الوقت فخبر كان ) .







والحرام فى كده انه نسب انقاذه من الموت له .






طب اومال يقول ايه ؟؟؟؟؟؟؟؟؟؟؟؟؟؟






يقول يااااااااااااااه الحمد لله اللى خلاك تقف فطريقى عشان تحشنى ويشكره وخلاص ولله الشكر والحمد.









- تجد ايضا اناس كثيرون يقولون .......... مثلا يعنى :







( ياه ده الامتحان كان صعب جدا ،( لو ) وخد بالك من الكلمه دى( لو ) ربنا خد بيدى ونجحنى ده انا أصلى ركعتين او أطلع قرشين).







هتسألنى تقولى .....






طب ما هو الراجل كلامه نضيف اهو ايه الغلط فى كده ؟؟؟؟؟؟؟؟؟؟؟؟؟؟







هقولك انه كده كأنه بيشترط على الله انك ياربى لو نجحتنى هصلى او هطلع فلوس ما نجحتنيش لا هصلى ولا هطلع فلوس . شوفت بقى انها كلمه خطيره ازاى .









- ايضا مثل ذلك من ينذر نذرا ( ندر يعنى ) فتجده






(ينذره للسيده عائشه او فاطمه ويروح يفرق شمع وحاجات تانيه كتير).








بردو حرام لان الواحد مفروض يطلع اللى عايزه لله فقط مش عشان حد تانى حتى لو كان من اهل بيت رسول الله ( صلى الله عليه وسلم).








- اقولك بقى على حاجه كمان بس ماتزعلش منى ولا تقول لأ بقى انتى كده محبكاها اوى ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!








طب صلى على حبيبك الاول ( صلى الله عليه وسلم )







مش بتلاقى كتييييييييييييييييييييييييير اوى من البنات ماسكين ورده ويقولو ( بيحبنى ، مابيحبنيش.............) ولو جت اخر نتفه فى ورق الورده بيحبنى تجرى وتقول .............






هيييييييييييييييييييييييه بيحبنى بيحبنى للللللللللللللللللللولى وتزغرت اوى ، اما بقى لو جت مابيحبنيش عدوك ، تلاقى وشها جاب ميت لون واضايقت كده وقلبت وشها 111 . وتلاقيها قالت خلاص مافيش فايده ............ وتعيط وتلاقيها مكتئبه .






صح والله بنشوف كده كتير اوى ...







اهو ده حرام !!!!!!!!! تعرف ليه لانهم متخيلين ان الورده هى اللى بتحدد مستقبلهم .







هتقولى لا بس فى ناس بتعملها من اجل اللعب ، يعنى بيلعب هيشوف يعنى ممكن الورده تقوله ايه ...............






اقولك طب ليه مايصليش صلاة استخاره ؟؟؟؟؟؟؟؟؟؟؟؟؟؟؟ ويدعى يقول "يارب اللهم انى استخيرك فى امرى ان كان خيرا فاكتبه لى وان كان شرا فابعده عنى ".






ها ..........ز شوفت بقى ان الوقت اللى هيضيعو فى نتف الورده يروح احسن يصلى ركعتين استخاره ازاى ، واهو على الاقل يكسب ثواب الصلاة.








- ايضا هناك اشخاص عاشقون الصحف والمجلات تجدهم يأتون بالصحيفه كل يوم واول صفحه يفتحوها هى (حظك اليوم) بغض النظر عن صفحة الحوادث يعنى .








وبردو ده حرام هتقولى لا والله ده الناس بتعملها حب استطلاع هقولك مانا كنت كده لحد ما بقيت اصدق وبقيت اثق فيها بس مش لدرجة انى اروح اشتريها مخصوص يعنى . لكن بقيت لما اشوف اى جريده اروح اشوف فيها حظى لحد ما سمعت الشيخ بيقول ان ده حرام ولازم نتجنب ذلك.






ممكن تقولى لأ بس كتير من الكلام ده بيطلع صح هقولك







"كذب المنجمون ولو صدفوا"









وفى النهايه ارجو ان تستفيدو من هذا الموضوع وبعتذر لو كان طويل شويه وتقبلوه منى بكل حب وارجو ان ترسلوه لاصدقائكم


عدل سابقا من قبل KOKA في الإثنين أكتوبر 19, 2009 12:59 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحائرة دائما
عضو جديد
عضو جديد
avatar

الرتبة الرتبة : عضو جديد

الهواية : الكتابة

مزاج سعتك : حزين

الجنسية : مصراوى اوى
انثى

عارضة الطاقة :
30 / 10030 / 100

عدد المساهمات : 112
نقاط : 29963
تاريخ التسجيل : 16/10/2009
العمر : 34

مُساهمةموضوع: رد: كلمات خطيره ..........لازم نتجنبها..........إنتبه!!!!!!!   الإثنين أكتوبر 19, 2009 12:58 pm





(انا بحب المغنى الفلانى او الممثل العلانى ) مش بتلاقى كتير من الناس بيقولوا كده ...........






طب وايه الحرام فى كده .... هقولك بس اسالك سؤال تحب تحشر مع من فى يوم القيامه ؟؟؟







مع الرسول طبعا (صلى الله عليه وسلم) هى دى عايزه كلام ...







إذاً مش لازم خالص تقول انا بحب الممثل ده او المغنى ده .... < لأن المرء مع من احب > وطبعا انت ما تتمناش انك تكون مع مغنى وله ممثل .






طب اومال اقول ايه ؟؟؟؟؟؟؟






قول انا بستلطفه او بسمعله او اى شىء اخر ...ونصيحه منى ماتسمعش اغانى من اصله ، عشان الشياطين تبعد عنك واسمع اناشيد احسن بدلا منها وربنا يهديك ويهدينا جميعا.








الناس اللى بتحلف بغير الله ذى ( وحق العيش والملح والنعمه والختمه الشريفه والكعبه الشريفه ................) .







وده حرام لانه حلف بغير الله وفى ناس بقى بيقولوا (وحياة ربنا )





طب دى مالها دى كمان ؟؟؟؟






اقولك.... ماهو اللى ليه حياه يبقى مصيره الموت وربنا حى لايموت يبقى اذاى تخلى لربنا حياه ؟؟؟؟؟ فخلى بالك.







بردو فى ناس بتقول شىء غريب جدا ( بحق اللى خلقك من غير مناسبه او من غير لزمه).







يانهار ابيض اذاى تقول كده بقى ربنا بيخلقنا من غير مناسبه او من غير لزمه ... حرام طبعا ، ده الواحد بيدعى ويقول


" ربنا ما خلقت هذا باطلا سبحانك " يبقى ازاى ربنا خلقنا من غير لزمه واحنا خلفاءه فى الارض ، يبقى ما نقولش خالص الكلمه دى لا على الانسان ولا على الحيوانات ولا الحشرات ولا اى مخلوق فى الدنيا .











بردو فى ناس تلاقيها تقول ايه ( وحياة اغلى حاجه عندك ) .






وده حرام عشان كده بيحلفه بغير الله فمروض يقوله استحلفك بالله .





بردو شىء اخر لفت نظرى هو انك تلاقى واحد يقول للتانى ( تصدق وتؤمن بأيه )





طب انا بقى عيزاك انت اللى تحكم المره دى بزمتك ينفع كده ؟





هو الواحد عنده حاجه تانيه يؤمن بيها غير ربنا ؟؟؟ فالمفروض يقوله < تصدق وتؤمن بالله> كى لايقع فى الشرك. صح وله ايه ؟؟








كمان فى حاجه خدوا بالكم منها ( رضيت بالله ربا وبالاسلام دينا و بسيدنا محمد نبيا ورسولا كريما )






ماتقولش كريما اقف لحد رسولا بس ، والحقيقه انا مش عارفه ليه بس سمعتها من الشيخ قالها فى التليفزيون ، بس ماعرفتش السبب ايه . فياريت اللى يعرف ينورنا ...








تلاقى ناس بردو تقول ( ده كان يوم شؤم دى كانت ساعه ذفت ، الله يخرب بيت اليوم اللى اتولدت فيه .............. وكلام كتير اوى من ده )






صح مش بتسمع كده بردو .. بردو اللى بيقول ( يانهار اسود او كوبيه ................ وما شابه ذالك)






اهو كده هو سب الدهر واحنا اتفقنا ان اللى يسب الدهر كأنه سب الخالق < استغفر الله العظيم >.








فى ناس بقى بيقولوا الكلمه دى ( الجواز مشروع فاشل )


ياراجل حرام عليك ...








ليه كده ؟؟ مش ربنا حلل الزواج فى القرآن فى كذا سورة ووضح لنا اسس الزواج والبيت الاسلامى ، وحق الزوج والزجه والابناء كمان ، طب اذاى توصف حاجه ربنا معززها وذاكرها فى القرآن بانها فاشله ، حرام طبعا.





فخلى بالك بقى لان الكلمه دى كترت اوى اليومين دول . وانصح اى حد يقولها بانها حرام .








كمان حاجه كلنا بنقع فيها هى اننا دايما لما بنذكر اسم الرسول فى اى موضوع بنكتب (صلى) او ( ص) .







وده حرام لانك بتنقص من قدر الرسول .!!!!!!!!!





كده بردو بقى حبيبك وشفيعك فى يوم الدين تستخصر تصلى عليه ده ربنا عز وجل بيصلى عليك عشرة لما تصلى على الرسول مره ، يبقى انت بقى مستخصر فى نفسك وله فى مين بالظبط ؟؟





و كمان خلى بالك الرسول صلى الله عليه وسلم قال ( البخيل من ذكر اسمى عنده ولم يصلى على )





، فلازم تصلى عليه وتكتبها كامله < صلى الله عليه وسلم >.


والا هتكون بخيل انت حر .







ما تتدعيش على حد وتقوله ( نهارك مطين او يخرب بيتك او عقلك ..........).







لانك لما بتتدعى لحد او على حد فى ملاك بيقولك ولك مثله


وطبعا انت ماتتمناش ان يحصلك حاجه وحشه ، كمان احنا مسلمين والمسلم يحب لاخيه المسلم ما يحبه لنفسه... وله ايه؟؟؟؟








اقولك تقوله ايه احسن ما دام مصمم تتدعى عليه ..... قوله يلعن شيطانك او يخرب شيطانك ، والاحسن من ده كله قوله روح يا شيخ الله يسامحك . مش احسن بردو وله ايه ؟؟؟







اقولك بقى على حاجه كمان مش تلاقى ناس كتير اوى تقولك عن النساء (ياعم دول ناقصات عقل ودين) .






هى مش حرام ولا حاجه بس فاهمين غلط كلنا فاهمين ان الكلمه دى معناها ان النساء متخلفين وعقلهم صغير رغم ان المعنى المقصود غير كده خالص .... معناها الحقيقى ان ناقصات عقل بمعنى ان عند الشهاده فى المحكمه مثلا او لما تكون المراة شاهدة فى امضاء العقود فلازم يكون فى واحده كمان معاها يعنى مثلا رجل وامراتان يعنى الرجل بإمرأتان ، اما ناقصات دين فهى لان ياتى عليها فترة تمنع من الصلاة وقراءة القرآن .







بردو شىء اخر اللى بيقول ( ده كله من خيرك او ده كله بفضلك او ده لحم كتافى من خيره ..........وما شابه ذالك)






حرام بردو لانه جعل سبب النعمه اللى هو فيها لشخص اخر غير الله مع ان ربنا هو العاطى وهو اللى سبب الاسباب بان الشخص ده يكون هو اللى يساعده ، فطبعا ده نوع من انواع الشرك والجحود. واليعاذ بالله .








وكتير اوى بقى مننا يقول ( انا واقع تحت رحمته ، لا يرحم ولا يسيب رحمة ربنا تنزل )







فى الامر الاول حرام عشان كده هو معتقد ان الرحمه اللى بيطلبها من البشر وده غلط ، اما الامر الثانى فكده هو جعل لرحمة الله شىء يمنعها من النزول وطبعا كلنا عارفين لا مانع لعطاء الله لعبده اى شىء.





"قل لن يصيبنا الا ما كتبه الله لنا "




كتييييييييييييير اوى من الناس لما يبتلوا بمصيبة او كارثة ذى




الموت ويكون سبب الموت مثلا حادثة سيارة حفظنا الله واياكم من الكوارث و موت البغته والموت على المعاصى لا قدر الله .





المهم يقولك ايه ( يمكن لو مكانش خرج راح المشوار ده ماكنش مات ) .............. استغفر الله العظيم





وطبعا الكلمه دى غلط لانه لا يمنع كلمة الله اى شىء .





الم يسمع قوله تعالى < وان يمسك الله بضر فلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم > و < قل لن يصيبنا الا ما كتبه الله لنا >





و لما يتعمل بقى العزه تلاقى الناس بتعزيه فتقوله كلمة ( البقيه فى حياتك ) ، والتانى يرد يقوله ( حياتك الباقيه )





والكلمه دى حرام جدا جدا لان كده معناها ان الشخص اللى مات


ده ياعينى مات قبل اوانه ، اى انه كان فى عمره بقيه لكن بقى ربنا خده قبل مايكمل بقية عمره ، وده طبعا غلط ، والتاني يقوله حياتك الباقيه ، طب ده على اى اساس ، على اساس انه هيخلد فى الدنيا ومش هيموت مثلا ؟؟؟









ولو قلتلوا على فكره الكلمه دى حرام يقولك ياعم بقى انت محبكها اوى اصل دى كلمه فى بقنا بنقولها عالطول واتعودنا عليها خلاص .





لكن .................. الصح ان الواحد يقول البقاء لله فالتانى يقول كلنا لها .



هى مين دى اللى كلنا لها ، هى الاخره يعنى انت ميت وانا ميت وهم السابقون ونحن اللاحقون .







فخلوا بالكم .






بردو كلمه ذيها ( ده اتخطف من الدنيا خطف ) ، ( ده مات ناقص عمر ) كلها كلمات حرام × حرام.








- بردو كتير اوى من الناس تلاقيهم بيعملوا حاجات كده عشان الحسد ذى ( العين الزرقاء ، والكف ، والبخور ) .






ايه هو البخور كمان حرام ؟؟؟؟؟؟؟؟؟؟؟؟؟؟؟؟





اقولك والله الشيخ قال البخور طيب وحسن من اجل ابعاد الشياطين من دخول المنزل ، ماشى ، لكن مش لتبخير المنزل من الحسد والعين لانها مش هى دى الرقيه الشرعيه .







اومال ايه الرؤيه الشرعيه ؟؟؟؟؟؟؟؟





هى انك تاتى بايات القران وتقراها وهى المعوذتين والاخلاص وهناك بعض ايات الحسد ايضا . اوعدكم اجبهالكم فى مره.






اما بقى بالنسبه للعين الزرقاء والكف وتلاقى الواحد من دول معلق كف قد الشبشب على باب البيت قال يعنى ان ده هو اللى هيمنع الحسد لا وايه لازم يكون ازرق ، مش عارفه بصراحه يعنى جابوا الحاجات دى منين مش عارفه ، هم يعنى مش واثقين فى ايات منع الحسد فقالوا خلاص نجرب حاجه تانيه يعنى وله ايه ، والله منا عارفه ايه اللى فى نيتهم بصراحه .







- و فى ناس بقى ايه تشوفلك ( الفنجان وتقرأ الكف ............... وماشابه ذلك )





فاكرين انه بكده هيعرفوا الغيب او يعنى ممكن تقولك ايه اهو الواحد بيشوف حظه .


بردو حرام حتى لو طلع صح اللى هى شافته وقالته .









بس تسالنى تقولى ده بيطلع صح والله وحصلت معايا


؟؟؟!!!!








اقولك ماهو الشيطان بيخليها تشوف كده وتفسره بالطريقه اللى هى قالتها دى عشان يهيأ لها انه الكلام ده صح وشوفتى بقى ده مافيش حد قدك فى تفسير الفنجان وبكده تعصى الله وتخرج عن طاعته وتدخل فى دائرة الشيطان.










- ( ده لا عاش ولا كان اللى يقول عليك كده ، ده لسه ما اتخلقش اللى يقول عليك كده )





صح مش بتسمع الكلمه دى كتير .






طب ايه الحرام فيها؟؟؟؟؟؟؟؟؟؟؟؟؟؟؟؟





حرام لانه كده اعطى قدر للشخص ده اكبر من قدره لدرجة ان مايصحش ربنا يخلق واحد يتعدى عليه .






يااااااااااااااااااااااااه يا نهار ابيض دى كلمه قاسيه جدا اذاى كنا بنقولها واحنا مش فهمنها كده .استغفر الله العظيم .





شوفت بقى خلى بالك ومش تقولها تانى ونبه اى حد يقولها ....






- وفى بقى كلمه فى منتهى الغباء سورى يعنى


( دى روحه فى كف عفريت ، الدنيا على جناح يمامه او على كف عفريت )








مش بتسمع دى كمان كتير اوى .






ودى حرااااااااااااااام جدااااااااااااااااااااا لان الروح فى ايد اللى خلقها يبقى عفريت ايه بس ، وبعدين عفريت ايه اللى انتم فاكرين انه بيعرف فى الغيب ويقدر يتحكم فى الواحد والكلام ده كله،


ده سيدنا سليمان عليه السلام مات قدامهم على العصى بتاعته سنييييييييييييين وماعرفوش انه مات تعرف ايه اللى عرفهم مش هتصدق سوس الارض.









ايه سوس الارض ازاى يعنى ؟؟





اه والله سوس الارض ، لما سيدنا سليمان كان جالسا وفى يده العصى وكان ساند عليها فجاءه ملك الموت وقبض روحه ولكنه ظل هكذا سنوات وقتها اصبح سوس الارض ياكل العصى حتى خوت وعندئذن سقط سيدنا سليمان على الارض فعرفوا انه مات.





شوفت بقى ان العفاريت والجن مايعرفوش الغيب ازاى لو كانوا يعرفوا ماكنوش فضلوا فى عذابهم طول المده دى كلها .








- ( اللى يحتاجه البيت يحرم عالجامع )





كلمه للاسف انتشرت كتييييييييييييييييير اوى عشان الواحد مايطلعش حاجه للجامع ولا حول ولا قوة الا بالله.





مع ان المفروض يقول اللى محتاجه الجامع يحرم عالبيت





ياجماعه ماشوفتوش الصحابه كانوا بيعملوا ايه للمسلمين و ايام الجهاد كانوا بيطلعوا كل اللى عندهم للمسلمين الفقراء . والنماذج على كده كتييييييييييير جدااااااا بس منعا للاطاله عليكم تجنبوا الكلمه دى ولا تعملوا بها وبارك الله فيكم .








اما بالنسبه ( لتقبيل الفلوس واليد وش وضهر )





على اعتقاد ان تقبيل الفلوس بكده هو بيشكر النعمه لا بالعكس انت مفروض يا اخى تصلى ركعتين ولو باستطاععتك اخراج شىء لله منها افعل ، هو ده اداء شكر النعمه حقا .





اما تقبيل اليد والله مش عارفه بس لم يذكر فى اى كتاب انه محبب .



اصل على اساس ايه يقبل يده وش وضهر ، على اساس انها هى اللى جابتله الرزق يعنى . طبعا لا مش ايده هى اللى جابت الرزق ده ربنا سبحانه وتعالى هو اللى جابله الرزق .







فاحسنله انه يصلى بردو صلاة شكر ويحمد ربنا اوى ، ده احسن الدعاء فى وقت الرخاء.







- فى بقى ناس لما تشوفك وتسلم عليك كتير تقولك ايه





يووووووه ايه يا عم ده ( كتر السلام يقل المعرفه) .





يانهارك ابيض بقى السلام يقل المعرفه ، ده الرسول عليه افضل الصلاة واذكى السلام قال افشوا السلام بينكم لتتحابوا ، وربنا اسمه السلام ، فضلا عن كمية الحسنات اللى الواحد بياخدها لما بيسلم على حد : و هى ان اللى بيبادر بالسلام الاول له 90 حسنه والتانى له 10 اللى هو ملقى عليه السلام شوفت بقى ربنا بيحببنا فى السلام قد ايه .





ده السلام لوحده كفايه انه يخلى الواحد يفضل يلقى السلام على خلق الله فى الشارع طول ماهو ماشى .





انت بتضحك ؟ !!!! طب والله شوفتها بعينى !!!!.







اسالك بقى سؤال هى تحية الاسلام مش السلام عليكم ؟؟؟؟؟؟؟؟؟؟؟؟





اه طبعا هو فى غيرها ...





طب ليه كتير مننا بيقول كلمة ( باى باى ، هاى ) هى دى فى الاسلام





لا بس عادى يعنى عرفناها من الغرب ماتحبيكيهاش بقى .....





لا احبكها عارف ليه؟؟؟؟





لان كلمة السلام عليكم ورحمة الله وبركاته يعنى انا كده بدعيلك بالسلام والرحمه وبركات الله وخلى بالك الله ، طب تعرف بقى كلمة باى باى دى معناها ايه ؟؟؟؟؟؟؟؟؟؟؟؟





معناها اتركك فى رعاية البابا يعنى بابا المسيحيين!!!!!!!!!!!






وااااااااااو يانهار ابيض معقوله !!!!!!!!!!





اه والله شوفت بقى مش تقولها تانى








اقولك بقى على حاجه بس خلى بالك منها اوى اوى اوى لاننا بنسمعها ويمكن بنقولها كمان هى كلمة


( السام عليكم )











وخلى بالك من الكلمه دى ماتقولهاش خالص ولو سمعت واحد مسلم بيقولها نبهه لانها معناها عليك الموت والهلاك ولو لقيت واحد مثلا مصمم يقولهالك ، فقوله اذن وعليك .







- اليك بقى اربع كلمات كل واحده فيهم افظع من اختها :






الاولى ( انا بحبها لدرجة العباده )





التانيه ( اتكل عليا انت بس فى الموضوع ده وما تشلش هم )





الثالثه ( استغفر الله العظيم اقعد اذاى بس وحضرتك واقف لا مايصحش )





الرابعه ( عبد السفنكرير ) اللى قالها البيه عادل امام والناس خدتها من بعده .





اما الاولى والتانيه شرك شرك شرك شرك شرك شرك بالله


وليعاذ بالله .








ياراجل حرام عليك مين دى بس اللى عبدتها واشركت بربنا عشانها


اتقى الله وديت نفسك فى داهيه عشان بنت ، والله حرام .








اما اتكل عليا كده هو خلى اللى قدامه يبقى معتمد عليه هو بس فى الموضوع بتاعه لدرجة انه نسى ربنا ، فبدل مايقول اتوكل على الله هيقول على كده اتكل على فلان ، استغفر الله العظيم .





و بردو كلمة اعتمد عليا مش صح نقولها بردو .






اما الثالثه ماشى انت مش قادر تقعد قدامه عشان مايصحش ، طب تستغفر ربنا ليه بس ، كده انت اعطيته قدر اكبر من قدره لانه مش ملاك ولا رسول ، طب ياريت كان الرسول والله ده الواحد كان باع نصف عمره عشان بس يشوفه مش يقعد معاه كمان .





فخلوا بالكم ياجماعه .






والرابعه بقى دى مصيبه مصيبه مصيبه مصيبه مصيبه تجرأ على الله ، وللاسف الناس وخداها تهريج بتقولها عادى .





بقى حضرته صنع اسم لله كده من نفسه


لا وايه بيشتم كمان ويقول اه هو ده ابن الـــــــــــــــــــــــ

وانتم عارفين طبعا








والله ده الواحد كل مايشوف المشهد ده يتحرق دمه . ويستغفر ربنا ويقول اللهم لا تؤاخذنا بما فعل السفهاء منا .









وفى النهايه اتمنى مايكنش موضوعى ضايقكم وبعتذر لو كان طويل شويه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات خطيره ..........لازم نتجنبها..........إنتبه!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mganenoo :: الفئة الأولى :: ۩۞ الـٍـٍقـٍـٍسـٍـٍم الأسـٍـٍـٍـٍـٍـٍلامـٍـٍـٍـٍـٍي ۩۞ :: الدروس العامه-
انتقل الى: